FOTO: Verskaf
Die sanger Bobby van Jaarsveld gaan dié jaar ook sy treffers op die Afrisaam Fees-verhoog sing.
Ons het gaan aanklop om uit te vind wat dié fees en Afrikaans vir hom beteken.
LEES OOK: Afrisaam Fees vier vanjaar weer Afrikaans
Hoeveelste keer is dit vir jou by die Afrisaam Fees?
Eks nie seker nie… Ek dink my tweede keer.
Wat beteken die Afrisaam Fees vir jou?
Feeste is altyd belangrik. Veral Afrikaanse feeste, want dit help om ons taal aan die gang te hou en wat is lekkerder om dit deur musiek te kan doen!
Wat beteken Afrikaans vir jou?
Dis wie ek is. Ek droom, slaap, eet, leef Afrikaans. Dis die taal van my hart.
Waarom dink jy is dit belangrik om feeste in Afrikaans te hê?
Dit is deel van wie ons is en deur Afrikaanse feeste hou vier ons die taal deur musiek en samesyn.
Waarna kan feesgangers uitsien wanneer jy op die verhoog is?
Dis ’n verrassing…
Noem drie moet hê items vir ’n fees.
In die winter baie beslis warm baadjies én komberse!
Het jy enige boodskap aan diegene wat nog nie kaartjies gekoop het nie?
Afrisaam is een van die lekkerste feeste in die land! Julle kan nie uitmis nie!
Die fees word vanjaar op 8 Junie 2019 op die gronde van die Springs Tegniese Hoerskool aangebied.
Die Afrisaam Fees word aangebied met The Marketing Zoo as bemarkingsvennoot en Afrikaanse Musieknuus as aanlyn mediavennoot.