Die laaste bietjie winterweer is nog in die lug, maar ons droom reeds van warm somersdae, strandvakansies en onvergeetlike musiek onder die sterre. Hartenbos GrootFees keer vanjaar vir die vierde keer terug na die ATKV-Hartenbos Amfiteater – groter, beter en met trots aangebied deur Betify.
Merk solank 19, 29 en 31 Desember 2026 in jou dagboek, want die Tuinroete se gewildste vakansiemusiekfees is weer gereed om duisende feesgangers van regoor Suid-Afrika te verwelkom.
“Ons feesgangers kom jaar ná jaar van heinde en verre om hul vakansie in Hartenbos deur te bring. Daarom is dit vir ons belangrik om elke Desember die vermaaklikheidshoogtepunt van die vakansie te bied,” sê Arnold Coleske, uitvoerende vervaardiger.
Vanjaar se program
AiG-Buitelug – 19 Desember 2026 | KAARTJIES
’n Mini-weergawe van die gewilde Afrikaans is Groot-konsert met:
- Demi Lee Moore
- Ruhan du Toit
- Ricus Nel
- Jo Black
- Refentse
- Barto
- Juanita du Plessis
- JACOBUS
- Juan Boucher
Alternatief is Groot – 29 Desember 2026 | KAARTJIES
’n Aand propvol alternatiewe Afrikaanse musiek met:
- JACOBUS
- ONS
- Die Heuwels Fantasties
- Francois van Coke
- Spoegwolf
- Droomsindroom
- G-String
GrootJol – 31 Desember 2026 | KAARTJIES
Vier Oujaarsaand saam met:
- Brendan Peyper
- Robbie Wessels
- Appel
- Bernice West
- Monique Steyn
- Liezel Pieters
- Danny Smoke
- Chris Steyn
Kaartjiepryse:
- Goue Sirkel (slegs vir AiG-Buitelug): R395
- Algemene Toegang: R295
- Kinders onder 13: R150
- Kinders onder 2: Gratis
- Feestafel vir ses persone: R4 200 (sluit drankies in)
Benewens die topklaskunstenaars sal feesgangers ook ‘n groot verskeidenheid kosstalletjies, die Caribbean Twist-ontspanningskroeg en voorvermaak voor elke konsert geniet.
Hartenbos GrootFees 2026 beloof weer drie dae van wêreldklas Afrikaanse vermaak, lekker kuier en onvergeetlike vakansieherinneringe vir die hele gesin. Met trots aangebied deur Betify in samewerking met Virseker, Aluma, Netwerk24, AFGRI en Caribbean Twist.