Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Bobby en Robbie op volgende Piekniek & Musiek

FOTO: Verskaf

Die gewilde Piekniek & Musiek-konserte keer terug na die Kaap hierdie somer!

Kaartjies vir die eerste konsert van die seisoen met Bobby van Jaarsveld én Robbie Wessels is reeds beskikbaar. Vir slegs R175 kan jy twee van Suid-Afrika se mees gewildste Afrikaanse kunstenaars in aksie sien.

Die konsert sal soos oudergewoonte op Zevenwacht Wynplaas plaasvind gedurende die middag van Sondag, 4 November 2018.

Robbie Wessels en sy band sal al sy gewildste treffers met die gehoor deel, insluitende Leeuloop, Mphe Di Hoenor en Halley se Komeet. Robbie is ook welbekend vir sy verskeie rolprente, insluitende die lokettreffer Poena is Koning.

Bobby van Jaarsveld is een van Suid-Afrika se mees gewildste TV en musiek sterre. Hy het al verskeie toekennings as musikant ontvang met treffers soos Spieëltjie en My Alles. Hy is ook bekend vir sy TV rolle, insluitende The Voice SA, In Jou Skoene en is tans in die kykNET-komedie Mense Mense te sien.

Daar sal ook ’n verskeiendeheid van kostrokke, kroeë en piekniek-pakkies (pieknieks slegs beskikbaar deur vooraf te bestel) by die konserte wees.

Vir meer inligting, besoek gerus www.piekniekenmusiek.com. Toegang vir kinders 12 en jonger is slegs R85. Kaartjies is beskikbaar by WebTickets. Die konserte word ondersteun deur kykNET, Bok Radio, Die Burger, SARIE en Pick n Pay.