FOTO: Verskaf
Die aftelling na die groote sokkie-geleentheid van die jaar, Super Sokkie, het begin!
Vanjaar word dié geleentheid vir ’n vierde keer aangebied by Carnival City se Sun Park in Johannesburg en konsertgangers kan uitsien na ’n treffer-na-treffer dans partytjie soos min.
“Ek het so drie jaar gelede begin sien hoe die lekker dansplekke begin verdwyn en toe besluit ek om ’n platform te skep waar die kunstenaars ’n kans kry om voor ’n gehoor wat honger is vir dansmusiek, op te tree – op ’n groot skaal!,” het Kurt Darren, organiseerder van Super Sokkie vertel.
Hy sal saam met Ricus Nel, Ray Dylan, Leah, Pieter Koen en Jan Bloukaas die aand tot in 2019 om skoffel met van hul gewildste treffers.
Kaartjies vir die vertoning op Maandag, 31 Desember is nóú landwyd beskikbaar by Computicket-kiosks, Shoprite/Checkers en House & Home. Kaartjies is ook aanlyn by Computicket of by 0861 915 8000 beskikbaar.