Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Nóg ’n Super Sokkie in die Moederstad

FOTO: Verskaf

Op 11 Mei 2019 bied GrandWest en Super Events weer die uiters gewilde Super Sokkie aan in die Grand Arena.

Dis ’n vieruur lange aaneenlopende sokkiedans partytjie met top Suid Afrikaanse kunstenaars: Theuns Jordaan, Kurt Darren, Karlien van Jaarsveld, Jan Bloukaas en Suid-Afrika se gunsteling partytjie duo Die Campbells.

Elke kunstenaar sal hulle grootste treffers sing en dan oorhandig aan die volgende kunstenaar wat sal sorg vir ’n energieke vertoning. Die gehoor sal heel aand saam sing en dans, terwyl hulle die geleentheid sal kry om hul gunsteling kunstenaar verskeie kere op die verhoog te sien deur die loop van die aand.

Die kunstenaars gaan ook medleys en duette sing wat slegs by ’n Super Sokkie-vertoning gehoor kan word.

“Ons is ongelooflik opgewonde om Super Sokkie weer by GrandWest aan te bied. Gedurende 2016 het ons met die Super Sokkie by GrandWest ’n Super Sokkie-wêreldrekord opgestel, met 1108 paartjies (2216 mense) wat terselfde tyd gesokkie het. Ons sien vreeslik uit na ’n heerlike aand met fantastiese vermaak,” het Kurt Darren en Tony Campbell die eienaars van Super Events gesê.

Daar sal verskeie verversings te koop wees vanaf verskillende kosstalletjies.

Kaartjies is beskikbaar by Computicket teen R150 per persoon vir algemene toegang en R250 per persoon vir die VIP-opsie.

Trek jou dansskoene aan en kom dans saam of kom sing net al jou gunsteling treffers saam. Bederf gerus al die moeders met ’n heerlike aand uit as ’n Moedersdag geskenk.