FOTO: Verskaf
Wees die ‘nuwe begin’ in ’n kind se lewe en kom kuier saam met Dewald Wasserfall vanaf 1 tot 31 Desember op vanjaar se Jakaranda Kinderhuis Liggiefees. Hier is waarom hy dink jy nie die fees mag misloop nie:
LEES OOK: Dis weer tyd vir die Jakaranda Kinderhuis Liggiefees
Waarom is jy betrokke by vanjaar se Liggiefees?
Dis belangrik om terug te gee, en ’n lig in iemand se lewe te wees, al is dit net vir een dag, vir een persoon.
Is daar ’n boodskap van hoop wat jy dalk met die kinders in die huis wil deel?
Ek het al in iemand se kombuis gewoon. Tom Cruise se pa het hom mishandel. Oprah Winfrey was swanger op die ouderdom van 14. Dit gaan nie oor waar jy nou is nie, dit gaan oor waar jy eendag wil wees. Glo in jouself en in jou drome, en moenie ophou werk daaraan tot jy dit het nie.
Waarom moet mense die fees bywoon?
Dis ongelooflik om bietjie Kersfees gees te kry, terwyl jy bietjie lig in iemand anders se lewe inskyn.
Wat is die eending waarna mense kan uitsien van jou vertoning by die fees?
Ek voer my nuwe enkelsnit, Nuwe Begin, op.
As jy jou gevoel of herinneringe van Kersfees in vyf woorde kon opsom, wat sal dit wees?
Liefde, somer, familie, kos, liefde.
Die fees kan daagliks vanaf 18:00 tot 22:00 besoek word en op konsertdae sal hekke reeds om 17:00 open. Kaartjies sal by die hek beskikbaar wees teen R30 per persoon.