Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Madeliefie Makietie terug op Strandfontein

Die gewilde Madeliefie Makietie-fees, wat verlede jaar vir die eerste keer op Strandfontein aangebied is, keer vanjaar terug na die Juweeldorpie. Vanjaar se fees vind plaas op 26 en 27 Oktober en sluit van ons land se top kunstenaars in.

Feesgangers kan uitsien na sewe van ons land se top kunstenaars wat vanjaar gaan optrede. Die kunstenaars is as volg; Steve Hofmeyr, Snotkop, Leah, Jo Black, Majozi, Karlien van Jaarsveld en Lee Scott.

Die kunstenaars is vanjaar op die hoofverhoog te sien. Van Jo Black, wat jou met sy manlike stem en romantiese liedjies sal betower tot Karlien van Jaarsveld wat sing vir liefde – natuurlik om die Namakwa-Weskus-streek se makietie te geniet.

Duisende besoekers het die Juweeldorpie besoek tydens verlede jaar se fees, wat gelei het tot die reuse suksesverhaal. Strandfontein vorm die kern van die fees, met die hoofverhoog wat in die Perdeskoen-amfiteater geleë is met ’n pragtige uitsig oor die see en stalletjies regoor die dorp.

Die hele dorp vorm die feesterrein met stalletjies in die strate, eetplekke en die hoofverhoog. Vele aktiwiteite word aangebied gedurende die fees, regoor die dorp asook volop kindervermaak. Bespreek nou jou stalletjie vir vanjaar se fees! Die organiseerders wag dringend aansoeke in van stalletjiehouers wat by die fees wil uitstal. Verskeie opsies is beskikbaar, maar plek is beperk. E-pos vir Marcelle Bester by marcelle@dwbacc.co.za of jy kan haar kontak by 072 620 5973 vir meer inligting en om jou bespreking te maak.

Madeliefie Makietie het ook verskeie verblyf-opsies op Strandfontein vir die tydperk van die fees beskikbaar. Indien jy belang stel in kampering, karanvaanstaanplekke of chalets, kan jy gerus vir Marcelle kontak om dit te bespreek. Onthou die beskikbare plekke is beperk. Sy sal ook raad kan gee oor strandhuise wat gehuur kan word en ander verblyf-opsies. Jy kan haar direk kontak by marcelle@dwbacc.co.za of  072 620 5973.