FOTO: Henry Engelbrecht
Kaartjies vir beide Liefde by die Dam konserte in Johannesburg en Kaapstad, het binne ’n dag na die verkope in Februarie oopgemaak het, uitverkoop. Die beskikbare kaartjies was bepaal deur die limiet op getalle by byeenkomste volgens ons land se Covid-maatreëls.
Noudat die hekke weer oop is, word daar Woensdagoggend, 23 Maart nóg kaartjies beskikbaar gemaak. Pierre Greeff van Die Heuwels Fantasties, en ook een van die organiseerders van Liefde by die Dam sê dat hulle baie bly is om die gewilde fees te kan aanbied op die skaal wat dit moet wees: “Liefde is bekend daarvoor dat dit ’n groot dag is, met groot name op ’n groot verhoog voor ’n groot skare. Ons kies kunstenaars wat ons wéét die verhoog behoorlik sal laat vlamvat. Ons is baie gelukkig dat almal op ons A-lys ingestem het. Ons werk hard daaraan om alles uit te haal vir ’n onvergeetlike partytjie!”
LEES OOK: Liefde by die Dam is terug!
Elandré wat vanjaar vir die eerste keer by Liefde optree sê dat hy opgewonde is: “Sedert die eerste Liefde by die Dam het ek gewens om deel te wees van hierdie makietie. Dit is wild om werklik deel te wees van hierdie legendariese line-up. Die motor idle nou al twee jaar en ek, en die band sien so uit om uiteindelik weg te trek met ons eerste kuier by Liefde by die Dam. Die eer is ons s’n. Sien julle daar!”
Maak reg vir ’n fees! Hier is die kunstenaars wat feesgangers vanjaar op die Liefde- verhoë gaan sien:
Johannesburg 3 April 2022:
Die Heuwels Fantasties, Francois van Coke, Appel, Elandré, Demi Lee Moore, Bernice West, Youngsta CPT, Robbie Wessels, Refentse, Schalk Bezuidenhout.
Kaapstad 9 April 2022:
Die Heuwels Fantasties, Spoegwolf, Appel, Elandré, Demi Lee Moore, Bernice West, Youngsta CPT, Robbie Wessels Refentse, Schalk Bezuidenhout.
Die program sorg vir die heerlikste musiek vir jonk en oud, ’n ideale dag uit saam met jou vriende en familie. Maak gou, die kaartjies gaan weer vlieg!
- Met spesiale dank aan Liefde by die Dam media vennote: Jacaranda FM en Bok Radio.
- Bespreek jou Kaartjies teen R295 by www.liefdebydiedam.co.za.
Kom deel in ’n heerlike, gesellige musiek-dag by die dam – bring piekniek mandjies. Daar sal ook `n verskeidenheid kosstalletjies wees.