Die Kontrak 2: Ontmoet die mentors

FOTO: Verskaf

Ná ’n ongelooflike eerste seisoen, duisende inskrywings en ’n wenner wat die musiekindustrie gestormloop het, is Die Kontrak uiteindelik terug. 

Vanjaar sal dié gesogte werklikheidreeks gratis op eTV gekyk kan word. 

LEES OOK: Die Kontrak binnekort terug op ’n nuwe TV-kanaal

Die doel van Die Kontrak is om aspirant kunstenaars in die Afrikaanse musiekindustrie te ontwikkel en vir hulle die platform te skep om ’n superster te word. “Met die dat Die Kontrak nou ook op eTV uitgesaai gaan word kan enige iemand met ’n televisie hierdie pad saam met ons stap,” meen Barry Pretorius, een van die kenners op dié program en bekroonde regisseur van Afrikaans is Groot.

LEES OOK: Die Kontrak 2: Ontmoet die aanbieders

LEES OOK: Die Kontrak 2: Ontmoet die kenners

DIE MENTORS

Refentse

Facebook: @RefentseSA

Instagram: @refentsemusiek

#SpanRefentse

Hy is een van die grootste kunstenaars in Suid-Afrika en dit het alles met ’n aanlynvideo op sosiale media begin. Met sy ervaring, kennis en musikaliteit kan hy jou, met ’n getekende kontrak in die hand, tot op die Afrikaans is Groot-verhoog lei. Wie weet, dalk skop jou loopbaan ook met ’n aanlynvideo af?

Monique Steyn

Facebook: @MoniqueSteynSA

Instagram: @moniquesteynsa

#SpanMonique

Monique Steyn keer vanjaar terug as mentor. Die sangeres het ’n magdom kennis oor die verhoog en die musiekbedryf. Monique is ook die wen-mentor van die eerste seisoen en het vir Demi Lee Moore gementor. Sy het dus bewys dat sy in staat is om deelnemers tot op die Afrikaans is Groot-verhoog te lei. Die ander mentors gaan beslis moet uitkyk vir haar… 

Hemelbesem

Facebook: @Hemelbesem

Instagram: @hemelbesem_

#SpanHemelbesem

Vanuit Blackheath in Kaapstad het hy homself opgebou tot waar hy vandag alombekend is as rymkletser, TV-aanbieder, skrywer, digter, akteur, aktrivis, motiveringspreker en vermaaklikheid-ster, wie se passie vir Afrikaans aansteeklik is. Hemelbesem se veelsydigheid gaan sy deelnemers op alle vlakke laat uitstaaan, om dalk net met ’n getekende kontrak en ’n plek op die Afrikaans is Groot-verhoog as wenner weg te stap. 

Karlien van Jaarsveld

Facebook: @Karlien.van.Jaarsveld

Instagram: @karlienvanjaarsveld

#SpanKarlien

Sy vier vanjaar ’n dekade in die musiekbedryf en dit sit nie in enige iemand se broek om na soveel jare steeds op almal se lippe te wees. Boonop is haar musiek sonder uitsondering, keer op keer, top-verkopers. In dié tien jaar het sy ’n magdom kennis van onskatbare waarde opgedoen en is sy gereed om haar kennis te deel – om sodoende ’n nuwe kunstenaar met daardie gesogte Coleske Artists-kontrak en ’n plek op die Afrikaans is Groot-verhoog te laat wegstap.

INSKRYWINGS

Inskrywings vir Die Kontrak 2020 open op 1 Mei en ook hier wag ’n paar hase in die hoed wat binnekort op Die Kontrak se sosiale media bekend gemaak sal word.

Die wenner van Die Kontrak stap weg as ’n kunstenaar van die gesogte platemaatskappy, Coleske Artists, wat verantwoordelik is vir die loopbane van die land se grootste kunstenaars. 

Gesels gerus saam op sosiale media deur gebruik te maak van die hutsmerk #DieKontrak2 of #WenDieKontrak