Die goeie nuus vir Afrikaanse kunstenaars is dat die datum vir die splinternuwe musiektoekenningsgeleentheid bekend gemaak is!
LEES OOK: Pretoria FM skaaf aan nuwe Afrikaanse-musiek toekenningsgeleentheid
Pretoria FM het onlangs bevestig dat die nasionale toekennings vir gehaltekunstenaars, -lirieke, -skrywers en -produksies op 16 Oktober vanjaar vir die eerste keer by die Moreleta-ouditorium in Pretoria gaan plaasvind.
Kunstenaars kan solank hulle inskrywings gereed kry, want die inskrywingsdatum is vanaf Maandag, 1 Julie tot Donderdag, 15 Augustus 2019.
KLIK HIER OM ’N INSKRYWINGSVORM AF TE LAAI
Alle inskrywings moet digitaal ingevul word en per e-pos na inskrywings@aamt.co.za gestuur word.
KLIK HIER VIR DIE BEPALINGS EN VOORWAARDES
Die wenners sal kan spog met ’n unieke trofeë wat spesiaal deur ’n bekende beeldhouer ontwerp word. Volgens die uitvoerende hoof van Pretoria FM, Hennie Koortzen, gaan dit ’n Wêreldklas-vertoning wees wat gaan spog met die room van die land se Afrikaanse kunstenaars. Koortzen sê verder dat daar ook tydens die geleentheid erkenning gegee gaan word aan ván die legendes in die Afrikaanse musiekbedryf.
Die publiek sal ook die geleentheid kan bywoon teen baie bekostigbare pryse. Kaartjies vir dié glansgeleentheid is nóú op iTickets beskikbaar.
KLIK HIER OM KAARTJIES TE KOOP
Die Afrikaanse musiek- en kunste-mark kan solank sy vere begin regskud vir ’n nasionale glansgeleentheid sonder weerga!
Gesels gerus saam op Facebook, Twitter en Instagram met die hutsmerk #AfrikaanseMusiektoekennings.