FOTO: Verskaf
Op 24 Desember word die kerse aangesteek vir ’n aand van Kersliedere onder Hartenbos se sterre.
Die duo, Douvoordag, wat vir ’n tweede keer by Kersfees in Afrikaans betrokke is het ons meer vertel hiervan.
Dis jul tweede jaar by Kersfees In Afrikaans. Waarom is jul weer betrokke?
Kersfees lê ons baie na aan die hart – dis ’n tyd van samesyn, van liefde, van familie, van om die geboorte van ons Skepper te vier. Ons glo musiek het die krag om mense se lewens te verander – daarom is dit vir ons ’n wonderlike voorreg om weer betrokke te wees by die Kersfees in Afrikaans aand waar duisende mense bymekaar kom.
Waarna kan die gehoor uitsien?
Duisende mense wat bymekaar kom en Kersliedere by kerslig onder die sterre sing! Roan Ash en Jan de Wet is natuurlik saam met ons op die verhoog, so ons glo dit gaan ’n onvergeetlike aand wees.
Wat maak In Afrikaans so spesiaal?
In Afrikaans poog werklik om terug te kom na die hart agter die musiek. Om te sorg vir daardie hoendervleis oomblikke. Dit is ’n ontspanne atmosfeer en die mense is almal in ’n ligte luim – hoe dan anders as jy met vakansie by die see is!
Het julle enige boodskap aan diegene wat nog nie kaartjies het nie?
Moenie na die tyd spyt wees as jy by almal hoor watter wonderlike ervaring die In Afrikaans-konsertreeks was nie! Steve Hofmeyr se SKREE in Afrikaans gaan sorg vir ’n hele paar verrassings, Kersfees in Afrikaans gaan absoluut magical wees en die Hartenbos in Afrikaans konserte gaan jou wegblaas met 16 kunstenaars op die verhoog en van ons land se top musikante! Kaartjies verkoop vinnig, so moenie wag nie!
Watter Kersherinnering sal jul altyd koester?
Oukersaande saam met ons families in Stilbaai waar ons almal saam liedjies sing.
Kaartjies vir Kersfees in Afrikaans is nóú beskikbaar by iTickets. Klik hier om joune aan te skaf.