FOTO: Clinton Lubbe
Op 22 Desember 2018 skop Steve Hofmeyr die In Afrikaans-konsertreeks op Hartenbos af met sy SKREE in Afrikaans ekstravaganza.
Ons het gaan inloer by Steve om uit te vind waaroor dié produksie gaan en natuurlik waarna konsertgangers kan uitsien.
Vertel ons asb. meer van jou produksie, SKREE in Afrikaans.
SKREE was my 2018 toer, met liedjies uit dié trefferalbum.
Kan jy enige verrassings al verklap?
Omdat die nuwe Country-CD reeds verskyn het, sing ek die 22ste Desember sommer liedjies uit beide konserte en CD’s. Die mooie, talentvolle Demi Lee (wenner van Die Kontrak) gaan Amanda saam my kom sing.
Waarom dink jy is Hartenbos die ideale plek vir In Afrikaans?
Dit is elke jaar die een plek op die kontinent waar die ratio Afrikaans tot enige ander taal dalk 10:1 is. Mens voel veilig tussen jou mense en kultureel sterk op plekke waar niemand jou kan voorskryf nie.
Het jy enige woorde vir die wat nog huiwer om kaartjies te koop?
Ons ou klein, gemarginaliseerde taalgroepie kom vorendag met wêreldklas vermaak. Daai kunstenaars is almal gelyk in jou omgewing. Kom woed jou uit.
As jy SKREE in Afrikaans in drie woorde kon opsom, wat sal dit wees?
Vry, kwaai en vryerig.
Kaartjies vir SKREE in Afrikaans is nóú by iTickets beskikbaar. Klik hier om joune aan te skaf.