FOTO: Verskaf
Het jy geweet dat die sangeres Karlien van Jaarsveld ’n goeie blokkie sjokolade verkies? Ons het met haar gaan gesels oor kos én die opkomende Proe’toria fees wat eersdaags in Pretoria aangebied word.
Waarna kan feesgangers uitsien tydens jou optrede by Proe’toria?
Dis ’n verrassing!
Wat laat jou sintuie prikkel?
Pannekoek met baie kaneel en suiker in die winter.
As jy vir een maand net een gereg moes eet, wat sou dit wees?
Heel moontlik ’n Thai-kerrie hoender gereg.
Het jy ’n gunstelingdrankie?
Lekker droë wit wyntjie.
Waarom dink jy moet feesgangers dadelik hul kaartjies vir die fees aanskaf?
Hierdie is ’n fees van lekker musiek en goeie kos!
Enige ‘guilty pleasures’?
Enige goeie sjokolade!
Bees of hoender?
Definitief hoender.
Die Proe’toria-fees word op 31 Augustus aangebied. Kaartjies is nou te koop op tixsa.co.za.