FOTO: Verskaf
Sit solank die ligte ‘aan’ want Dewald Wasserfall bring sy splinternuwe musiek en sy sin vir humor saam na vanjaar se Proe’toria-fees, wat vir die eerste keer in die Pretoria Botaniesetuin aangebied word.
Ons het met Dewald gaan gesels:
Jou jongste album, Elektrisiteit, is onlangs vrygestel. Vertel ons meer van die album.
Dis die eerste album wat ek sonder ’n platemaatskappy aanpak. Ek het werklik hard gewerk hieraan en ek dink dit is my beste nog
Gaan ons so ’n paar van die nuwe liedjies op Proetoria hoor?
Beslis. Die eerste “single”, elektrisiteit is reeds baie gewild by vertonings. Ons doen ook een of twee minder bekende liedjies.
Wat laat jou sintuie prikkel?
Die reuk van braaivleis.
Hou jy van kos maak, en wat maak jy die graagste?
Jip. Ek hou nogal van hoender en bredies. Maar niks kom naby ’n lekker gesellige braai nie.
As jy vir ’n maand lank net een ding kon eet, wat sou dit wees?
Sushi. Dis lig en vol variasie.
Wat is jou gunstelingdrankie?
’n Goeie whisky op ys, of ’n lekker yskoue Duitse bier
Waarom moet feesgangers kaartjies kry vir Proe’toria?
Anders kan hulle nie ingaan nie. 😉
Voorgereg, Hoofgereg of Nagereg?
Ja, asseblief.
Die Proe’toria-fees word op 31 Augustus aangebied. Kaartjies is nou te koop op tixsa.co.za.