Barto het onlangs ’n huishoudelike naam geword met treffers soos H2Oë, Impulsief en sy duet met Marissa, Ons Twee Genoeg.
Nou is hy terug met sy nuwe enkelsnit Vlam In Die Wind.
Hierdie roadtrip-lied wat ons aan ons verganklikheid herinner, maar ons dan inspireer om GROOT te gaan en voluit te lewe.
“Ons dans soos ’n vlam in die wind. Niks wat ons kan raak of aan die grond kan bind nie.”
Die gees van die lied is verhewe en jeugdig, maar weereens gee Barto alles en die intimiteit van daardie vlymskerp stem verklap lewenservaring en sny dwarsdeur jou.
Soos ons sien hoe Barto se optrede lewe kry in hierdie opwindende musiekvideo, is dit geen wonder dat hy binne slegs ’n paar maande reeds twee goue enkelsnitte op sy kerfstok het. Vlam in die wind kom beslis warm in!
Kyk die musiekvideo hier: