30 Blitsvrae vir Reën se Richann en Nolene

FOTO: Verskaf

Ons het Reën se Richann en Nolene van nader leer ken met ons 30 blitsvrae. Dié groep, wat onlangs hul nuwe enkelsnit Ek kan nie wag nie uitgereik het, se kortspeelplaat is binnekort beskikbaar. 

LEES OOK: Reën se eerste enkelsnit met nuwe lid is ‘positief met ’n uitroepteken’

Beskryf jouself in drie woorde.

Richann: Positief, Opgewonde, Dankbaar

Nolene: Sag, Ambisieus, Energiek

Wat krap jou vinnig om?

Richann: Loadshedding.

Nolene: Mense wat ander minderwaardig laat voel of verkleineer. 

Wat maak jou gelukkig?

Richann: Om op die plaas te wees.

Nolene: Klein goed in die lewe. Hot Chocolate op ’n koue dag. Tuisgemaakte pizza op ’n Vrydagaand terwyl ons gesin fliek kyk wat ons by die DVD winkel uitgeneem het. Musiek maak saam my niggies en nefies, vroegoggend by my ouers in die bed inkruip, mooi slaapklere en fluffy komberse. Familie etes, ’n drukkie van my liefde af, die see, sonneblomme, die kleur geel en McDonald’s skyfies.

Wat is jou gunsteling plek in die wêreld om na te reis?

Richann: Clarens.

Nolene: Om eendag die huis van Anne Frank te besoek in Amsterdam. Ek is aangetrokke tot haar verhaal. 

Gunsteling fliek?

Richann: The Count Of Monte Cristo.

Nolene: Titanic, of enige Disney film.

Gunsteling TV-reeks?

Richann: Friday Night Lights

Nolene: America’s Next Top Model, Dance Moms & Keeping Up With The Kardashians.

Gunsteling drankie?

Richann: Brandewyn en Coke Zero

Nolene: Coke of Cream Soda

Gunsteling kleur?

Richann: Blou

Nolene: Geel

Gunsteling kos?

Richann: Biltongsop

Nolene: Panarottis Pizza

Gunsteling musiek?

Richann: Lord Huron

Nolene: Musiek uit Musicals en Broadway shows. 

Wat wou jy word toe jy klein was?

Richann: Boer.

Nolene: Ek wou nog altyd in die musiekbedryf wees maar my tweede opsie is ’n sjef.

Hoe ontspan jy?

Richann: Om ’n vuur saam met vriende

Nolene: Ek is baie hard op myself, so wanneer die lewe vir my te veel raak soek ek die see. Ek sal brood rolletjies en ’n pak Simba skyfies kry, ’n fles rooibos tee en koekies inpak en net by die see gaan sit. 

Wat is die eending waarsonder jy nie kan lewe nie?

Richann: Musiek

Nolene: My geliefdes

Saam wie sal jy eendag op ’n eiland gestrand wil wees?

Richann: Bear Grylls

Nolene: Bear Grylls

LEES OOK: René de Klerk groet ‘Reën’, kry nuwe lid!

Wat is die beste geskenk wat jy al gekry het?

Richann: Motorfiets toe ek klein was.

Nolene: Die Bybel wat my ouers vir my 21ste verjaarsdag gegee het en die kruis-hangertjie wat my pa vir my in Graad 7 gegee het – ek haal dit nooit af nie. 

Wat is die slimste besluit wat jy al gemaak het?

Richann: Om te leer kitaar speel

Nolene: Op skool het ek redelik gesukkel om in te pas en was baie geboelie. In middel Graad 8 het ek besluit ek wil daai volgende jaar skole skuif en daar het ek geblom.

Wat is die beste raad wat jy al gekry het?

Richann: “This too shall pass”

Nolene: Gebruik jou verleentheid as ’n geleentheid vanaf my ouers. 

CD wat tans in jou motor speel?

Richann: My bakkie het net Bluetooth, maar as ek inklim luister ek “The Band Camino”

Nolene: Leas se CD wat sy vir my persoonlik gegee het nadat ons saam gesing het.

Watter boek lees jy tans?

Richann: Ek luister audiobooks. The Twelve Rules For Life deur Jordan Peterson.

Nolene: Christien Nese se Koshuiskoffie-reeks.

Gunsteling emoji?

Richann: 👌🏻

Nolene: ❤️

Honde of katte?

Richann: Honde

Nolene: Ek het met hoenders groot geword, maar as ek moet kies, honde. 

Facebook of Instagram?

Richann: Instagram

Nolene: Instagram

Koffie of tee?

Richann: Koffie.

Nolene: Rooibos tee met gemmer en heuning. 

Whatsapp of bel?

Richann: Bel

Nolene: Whatsapp

Apple of Android?

Richann: Android

Nolene: Apple

Vertel ons ’n interesante feit oor jouself?

Richann: Ek weet hoe om ’n radiobeheer vliegtuig te vlieg.

Nolene: Ek het deeltyds toneel op skool studeer deur Trinity London College. Ek slaap op my beste in ’n kar en sing in my slaap. 

Wat is jou slegste gewoonte?

Richann: Om goed te oordink

Nolene: Ek pak nie dadelik my klere weg wanneer dit klaar gestryk is nie en dan hoop dit op. Dan moet ek weer stryk. 

Oggendmens of naguil?

Richann: Naguil

Nolene: Oggendmens

As jy enigeen kon ontmoet (lewendig of dood), wie sou dit wees?

Richann: Jordan Peterson

Nolene: Pastoor Michael Todd van Transformation Church

Drie mense saam met wie jy eendag om ’n etenstafel wil sit?
Richann: Chris Martin, Max Martin en Ed Sheeran

Nolene: Riana Nel, Franja du Plessis en Karlien van Jaarsveld.