Afrikaanse Musieknuus Top 40: Week 8

SAAMGESTEL DEUR REPUTASIE

In vandeesweek se top-40 het 14 snitte gestyg, 14 gedaal, sewe het onveranderd gebly, daar is drie toetredes en twee snitte wat terugkeer.

Dis Riaan Benadé se sesde week op nommer een met sy liedjie Spontaan. Hierdie liedjie het 123 531 kykbeurte die afgelope week gekry – ’n styging van 13.1% teenoor die vorige week. Riaan se Vat ’n Bietjie, skuif ook twee plekke op van verlede week se nommer vier na nommer twee. 

Op nommer drie behou Fatman sy plek met Vuil Coke – vir ’n derde week. Bernice West se Sonop-Blom is op nommer vier met Boerepompie van Ricus Nel en Snotkop op nommer vyf. 

Ek dink ek mis maar net jou hart van Juan Boucher sak af na nommer ses met Demi Lee Moore se Maak my jou Tequila op nommer sewe.

Gooi Mielies van Jan Jan Jan, Nonna van Appel en Ek like hoe jy dans van Ché en Snotkop behou almal hul plekke op onderskeidelik agt, nege en tien. 

Dis nuut op die top-40:

  • Dewald Wasserfall se Oorleef maak sy debuut op nommer 16. 
  • Boer loop deur my Are van Appel verskyn vir die eerste keer op die trefferlys op nommer 35. 
  • As die Hippies begin Dans van Wouter van de Venter verskyn ook en vind plek op nommer 38. 

Die Afrikaanse Musieknuus Top-40 werk op ’n statistiese barometer wat die hoeveelheid YouTube kyke per week meet. Die trefferlys se observasie periode is van Vrydag tot Donderdag elke week en dit is in lyn met internasionale standaarde.

VINNIE FEITE

  • 450 liedjies word gemonitor vir ’n posisie op die Top 40.
  • Die totale kyke van die 450 liedjies is meer as 353 miljoen. 
  • Verlede week het al hierdie liedjies saam 3 086 035 nuwe kykbeurte bygekry, waarvan 1 815 000 behoort aan die Top 40 liedjies.