Afrikaanse Musieknuus Top-40: Week 5

SAAMGESTEL DEUR REPUTASIE

Ses snitte het gestyg, 26 het gedaal, ses het onveranderd gebly en twee snitte het ’n toetrede tot die ranglys gemaak. Só lyk die week se top-40.

Dis Riaan Benadé se derde week op nommer een met Spontaan. Dié liedjie se kykbeurte het met 142 146 gestyg – ’n 19,5% styging. Bevok en Dirk van der Westhuizen se Stukkie Jive sluit op nommer twee by die top-40 aan. Dié liedjie, met sy uiteenlopende reaksie, sedert dit verlede week vrygestel is het 130 289 kykbeurte tydens die observasie periode ontvang. 

Fatman se Vuil Coke behou sy nommer drie plek terwyl Bernice West se Sonop-Blom twee plekke afsak na nommer vier. Riaan Benadé se Vat ’n Bietjie kry pos op nommer vyf met Juan Boucher se Ek dink ek mis maar net jou hart op nommer ses. 

Demi Lee Moore se Maak my jou tequila sak een plek van nommer ses na sewe terwyl Jan Jan Jan se Gooi Mielies ’n plek opskuif na nommer agt.

Boerepompie van Ricus Nel en Snotkop is dié week nommer nege tewyl Nonna van Appel sy plek op nommer 10 vind. 

Julani J se Arm sluit ook dié week aan by die top-40 op nommer 18.

Die Afrikaanse Musieknuus Top-40 werk op ’n statistiese barometer wat die hoeveelheid YouTube kyke meet per week. Die trefferlys se observasie periode is van Vrydag tot Donderdag elke week en dit is in lyn met internasionale standaarde.

HET JY GEWEET?

  • 425 liedjies word gemonitor vir ’n posisie op die Top-40.
  • Die totale kykbeurte van die 425 liedjies is meer as 333 miljoen. 
  • Verlede week het al hierdie liedjies saam 3 755 168 nuwe kykbeurte bygekry, waarvan 2 160 008 behoort aan die Top 40 liedjies.