Afrikaanse Musieknuus Top-40: Week 3

SAAMGESTEL DEUR REPUTASIE

Hierdie week het 17 snitte gestyg, 17 gedaal, vyf onveranderd gebly en een nuwe snit ’n toetrede tot die top-40 gemaak.

Riaan Benadé se Spontaan styg met drie plekke tot op nommer een. Die totale eenhede vir die liedjie is 120 838 – 90% teenoor die vorige week se 63 332.

Bernice West behou haar plek op nommer twee met Sonop-Blom en Fatman skuif na nommer drie met Vuil Coke. Dié liedjie het wel meer kykbeurte in die afgelope week tenoor sy vorige week ontvang.

Maak my jou tequila van Demi Lee Moore skuif een plek op na nommer vier en Riaan Benadé se Vat ’n Bietjie sak twee plekke af na nommer vyf.  Ek dink ek mis maar net jou hart van Juan Boucher skuif een plek op na nommer ses.

Ché en Snotkop se Ek like hoe jy dans bereik vir die eerste keer die top-10 en staan stewig op nommer sewe. Jan Jan Jan bly staande op nommer agt met Gooi Mielies terwyl Appel se Nonna op nommer nege is.

Ek bly ’n boer van Jan Jan Jan voltooi die top-10.

Boude van Loufi maak ’n toetrede tot die top-40 op nommer 40 wat beteken dat ons dié week vir Early B en Jack Parrow se Sak Sara groet.

Die Afrikaanse Musieknuus Top-40 werk op ’n statistiese barometer wat die hoeveelheid YouTube kyke meet per week. Die trefferlys se observasie periode is van Vrydag tot Donderdag elke week en dit is in lyn met internasionale standaarde.

 

 

FEITEKASSIE:

  • 412 liedjies word gemonitor vir ’n posisie op die Top-40.
  • Die totale kykbeurte van die 412 liedjies is meer as 326 miljoen. 
  • Verlede week het al hierdie liedjies saam 3 418 274 nuwe kykbeurte bygekry, waarvan 1 985 814 behoort aan die Top-40 liedjies.