SAAMGESTEL DEUR REPUTASIE
In vandeesweek se Afrikaanse Musieknuus Top-40 het vyf snitte gedaal, 24 gestyg, sewe onveranderd gebly en vier snitte ’n toetrede tot die top-40 gemaak.
Fatman se Vuil Coke skuif van verlede week se nommer twee tot by nommer een met 73 500 eenhede die afgelope week. Bernice West se Sonop-Blom skuif dus dié week ’n plek af na nommer twee.
Riaan Benadé behou sy derde en vierde plek met Vat ’n Bietjie en Spontaan. Laasgenoemde se musiekvideo is ook vandag uitgereik.
Kyk die musiekvideo hier:
Demi Lee Moore se Maak my jou tequila behou sy nommer vyf posisie terwyl Appel se Nonna sy hoogtste posisie nóg bereik en drie plekke klim van nommer nege na nommer ses. Juan Boucher se Ek dink ek mis maar net jou hart bly staande op nommer sewe asook Jan Jan Jan se Gooi Mielies op nommer agt.
Ricus Nel en Snotkop se Boerepompie skuif een plek van nommer 10 na nommer nege en Riaan Benadé se Lieg Vir My klim 17 plekke van verlede week se nommer 27 na nommer 10.
Liedjies wat ’n toetrede tot die top-40 gemaak het sluit in Word Wakker van Jan Blohm op nommer 35, Stop Wag Bly Nog ’n Bietjie van Brendan Peyper in nommer 37, Bernice West se Die Hart op nommer 38 en Jan Jan Jan se Wys jou vleis op nommer 39.
Die Afrikaanse Musieknuus top-40 werk op ’n statistiese barometer wat die hoeveelheid YouTube kyke per week meet. Die trefferlys se observasie periode is van Vrydag tot Donderdag elke week en dit is in lyn met internasionale standaarde.
Luister hier na die top-40 op Apple Music:
