Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Vuurwarm vermaak dié jaar op Innibos se hoofverhoog

Vanaf 26 tot 29 Junie is Innibos vuur en vlam en die hoofverhoog gaan sorg vir ’n kookwater program.

Hier is waarna jy kan uitsien:

Op Woensdag, 26 Junie skop Innibos die partytjie af met die grootste buitelug sokkies in Suid-Afrika. Kurt Darren, Snotkop, Ricus Nel, Lianie May, Jay, Die Campbells en vele meer gaan sorg vir die vermaak tydens die Huisgenoot Super Sokkie-konsert.

Donderdag, 27 Junie rock kunstenaars soos Karen Zoid, Fokofpolisiekar, Prime Circle en vele meer dit uit tydens die kykNET NOU!-konsert.

Jacaranda FM bied op Vrydag, 28 Junie die Jacaranda FM-konsert aan met Brendan Peyper, Tarryn Lamb, Leah, Refentse, Theuns Jordaan en vele meer.

kykNET vier hul 20ste verjaardag in styl tydens die kykNET-konsert op Saterdag, 29 Junie. Dié glansaand met top-kunstenaars soos Jo Black, Karlien van Jaarsveld, Demi Lee Moore, Riana Nel, Roan Ash, Corlea, Elvis Blue en vele meer beloof om ’n skouspel soos min te wees.

As ’n ekstra bonus word die gratis Loof Hom Innibos-konsert weer aangebied op Sondag, 30 Junie. Jo Niemand, Heinz Winckler, Sumarie Jordaan, Monique Steyn, Retief Burger en vele meer sing tydens die konsert.

Gesels saam op sosiale media met die hutsmerk #VuurEnVlam.