Alhoewel VIA (DStv-kanaal 147) en Coleske Artists se werklikheidreeks, Die Kontrak, tot ’n einde gekom het, kan aanhangers van dié reeks vyf van die deelnemers vir oulaas weer saam op die verhoog sien.
Faraway George, Tasha, Wilha Carstens asook die naaswenner Ivan Roux en wenner Demi Lee Moore sal op Saterdag, 8 Desember by Weiveld in Pretoria te sien wees.
Konsertgangers kan uitsien na verskeie treffers soos opgevoer in die reeks en natuurlik sal Ivan sy enkelsnit Daai Ding en Demi Lee haar enkelsnit Mis Eet Slaap Herhaal sing.
LEES OOK: Demi Lee Moore: ‘Die Kontrak het my drome waar gemaak’
Kaartjies vir die konsert is nóú teen net R50 by Ticketpro beskikbaar. Klik hier om joune aanlyn te bespreek.