Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

kykNET Ghoema Musiektoekennings 2019: Skryf nou in!

Inskrywings vir die jaarlikse kykNET Ghoema Musiektoekennings het geopen en jy word uitgenooi om jou inskrywing(s) te maak!

Dié toekenningsgeleentheid vier in 2019 sy agste bestaansjaar en beloof om nog groter as ooit te wees.

Vorige wenners soos Elvis Blue, Refentse en Jo Black is dit met eens dat hierdie die glansaand van die jaar is.

KLIK HIER VIR DIE 2018-WENNERS

Boonop gaan die toekenningsgeleentheid volgende jaar in die Sun Arena van die Time Square in Pretoria aangebied word en inligting oor kaartjies sal binnekort bekend gemaak word.

Indien jy in 2018 ’n album, liedjies en/of musiekvideo’s vrygestel het en graag hiervoor vereer wil word, maak werk daarvan om so gou as moontlik in te skryf!

Die inskryfperiode is vanaf 1 tot 30 November 2018 en die organiseerders gaan streng by hierdie tydperk hou.

Alles wat jy moet weet oor hoe om in te skryf sal op die Ghoema-webblad beskikbaar wees.

Klik hier om die inskrywingsvorm, amptelike kriteria, sowel as die reëls en regulasie af te laai.

Die Ghoema Musiek Trust in samewerking met kykNET sien uit om jou inskrywing te ontvang!