Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Afrisaam Fees 2018: Groter as groot!

Vanjaar se Afrisaam Fees vind plaas op 8 en 9 Junie 2018 by Fabu Leux trou sentrum, op Springs, en die organiseerders beloof ’n groter as groot fees!

8 Junie open die hekke om 17:00 en Ricky Faber, Kurt Darren, Juanita du Plessis, Arno Jordaan, en Dirk van der Westhuizen as seremoniemeester skop die fees af.

Op 9 Junie open die hekke om 9:00 die oggend. Daar is vanjaar drie verhoë. In die biertent van 10:00 tot 13:00 gaan opkomende kunstenaars feesgangers vermaak, terwyl die wat nie so bekend is op die oop verhoog tussen die stalletjies van 10:00 tot 17:00 die geleentheid gaan kry om op te tree.

Die hoofverhoog se program skop dan om 13:30 met Ricky Faber, Arno van der Hoff, Deon Groot, Riana Nel, Juan Boucher, Karlien van Jaarsveld, Jay, Dirk van der Westhuizen, Snotkop en Steve Hofmeyr af.

Vanjaar kom kuier Sorina, ook as die Flooze bekend, saam en sal saam met Henry Bruinette as aanbieders optree.

Daar is hope kindervermaak, ’n kindertuin-area met gekwalifiseerde oppassers, wat flieks, gesigverf, inkleur en meer aanbied, sowel as ’n speelarea met allerhande opblaas glybane, kastele “rockets” en ook die gewilde mallemeule.

Brent le Riche en sy span van LeRiche Racing kom met twee motorfiets vertonings die adrenalien bietjie pomp vir die manne.

’n Biertuin en hope kosstalletjies gaan die dors les en hongerpyne stil terwyl diegene wat bietjie wil rondsnuffel die handwerkstalletjies en motoruitstallings kan besoek.

Die organiseerders doen graag ’n beroep op besighede in en om Springs om ook betrokke te raak by die fees, aangesien dit ’n reuse bemarkings en finansiële platform skep.

Bring gerus jou kampstoel en kombers en kom fees saam by die OosRand se grootste en beste fees. Kaartjies kan nou gekoop word deur ’n e-pos te stuur aan kaartjies@afrisaamfees.co.za of skakel 076 928 6921. Klik hier om die volledige program te kry.

Die Afrisaam Fees word met trots in samewerking met Cappucinos Springs, Makro Carnival, Oosrand Stereo 93.9FM, Jubilee motors, Home Corp, Magico SA, Caxton, Springs Advertiser, H2O Zone, Angry Monkey, Extreme Edge, Afrikaans Toekomstrust, Pin Up Girls by Johané, SAB, Elco Staal, Casseys’ Ford en Fabu Leux aangebied.