Jou gunsteling karnaval is terug; King Price-versekering en kykNET, in samewerking met Matchbox Live, keer terug na Dullstroom vir die tweede aflewering van Lekkerland Carnival op 7 April 2018.
Vanjaar se Lekkerland Carnival beloof om groter, beter en lekkerder as verlede jaar te wees. Kunstenaars soos Karen Zoid, Matthew Mole, Refentse, Adelle Nqeto, Bouwer Bosch en The Barbosa Experience sal tydens dié fees optree.
Die fees is familievriendelik en het selfs ’n kinderarea. Die BDI Street Performance Troupe gaan ook sorg vir hope vermaak. Natuurlik sal daar verskeie stalletjies, karnaval kos en ’n kroeg beskikbaar wees.
Die gewilde Mpumalanga-dorpie, Dullstroom, met sy interessante winkels, kunsgalerye, restaurante, bergpaaie en ongelooflike natuurskoon sal weer eens die tuiste vir hierdie unike karnaval wees. Dullstroom is sowat twee en halfuur se ry van Johannesburg en Pretoria, wat dit die perfekte naweekwegbreek vir enige gesin maak.
Die karnaval sal plaasvind op die Dullstroom Village Green-gronde op Saterdag, 7 April. Vanjaar kan feesgangers uitsien na verskeie pop-up musiekgeleenthede by uitgesoekte restaurante en venues op Vrydag en Saterdag.
Kaartjies sluit toegang tot die uitgesoekte vertonings op 6 April en 8 April by sekere venues in – maar sitplekke is beperk, bespreek dus vooraf.
Vir die volledige program en kaartjies, klik hier. Akkommodasie kan bespreek word by lekkerland.co.za.