FOTO: Verskaf
King Price Insurance en Matchbox Live het weer kragte gesnoer vir die derde aflewering van Lekkerland Carnival wat op 23 Maart 2019 op Dullstroom plaasvind.
Vanjaar is dié fees selfs groter en beter omdat dit oor ’n langnaweek plaasvind. Die kunstenaars op aanbod is boonop glad nie te versmaai; Bobby van Jaarsveld, Janie Bay, Spoegwolf, The Dullybuggers en Roan Ash is te sien saam met Matthew Mole en The Barbosa Experience wat weer terug keer.
Sedert die eerste Lekkerland Carnival uitverkoop het, het die fees ’n instelling op menige feesgangers se kalender geword. Feesgangers sal die jaar meer kan verwag met vele verrassings en skouspelagtige vertonings wat vanaf Vrydag, 22 Maart tot Sondag, 24 Maart sal duur. Die #lekkerrr seremoniemeesters, Bennie Fourie en Bouwer Bosch is ook terug.
Die BDI se straatoptredes sal sorg vir die #lekkerrr-faktor terwyl die kleinspan die springkastele en ponieritte kan geniet. Pak sommer jou draf- of stapskoene en geniet die Lekkerrr Run of bergfiets wedren. Die kinders is ook meer as welkom.
Lekkerland Carnival word weer op Dullstroom in Mpumalanga, aangebied. Dié dorpie is veral bekend vir sy prettige winkels, inspirerende galerye, eetplekke en akkommodasie wat almal se sak sal pas. Dis slegs twee en ’n halfuur se ry vanaf Johannesburg en Pretoria, wat dit die perfekte langnaweek-uitstappie maak. Woon ’n paar vertonings op die dorp op Vrydagaand by, kuier Saterdag by die karnaval op die Village Green-gronde en sluit die naweek stadig maar seker op Sondag af.
Die Lekkerrr Tent Hotel sal ook terug wees asgevolg van akkommodasie wat so vinnig uitverkoop word. Dis ’n kamp-ervaring soos min.
Met die ondersteuning van King Price, ’n maatskappy wat versekering verander, een premie op ’n slag, beloof Lekkerland om weer ’n familie-ervaring soos min te wees.
Besoek www.lekkerland.co.za vir kaartjies voor jy uitmis op ’n #lekkerrr tyd!