Maak gereed om te beweeg! Nolene, van die gewilde Afrikaanse duo Reën, breek op haar eie uit met haar eerste solo-enkelsnit, Hou Bene Hou wat op 15 Maart die lig sien.
Dis ’n romantiese storie van liefde, uithou en aanhou en vertel wat sommige mense sal doen om ’n spesiale persoon se oog te vang. Al beteken dit om die dansvloer met twee linkervoete aan te durf.
Nolene het Hou Bene Hou saam met die formidabele liedjieskryf- en vervaardigerspan Muse Productions (Hugo Ludick en Nick Jordaan) ook verantwoordelik vir treffers: Vlerke, Johnnie Blou en H2Oë geskryf.
Saamsing melodieë, eerlike lirieke en Nolene se vuurwarm stem waarborg dat sokkie-liefhebbers en dié wat nog leer dans die dansvloer sal volmaak sodra hulle die eerste noot hoor.
’n Musiekvideo wat deur Gerduan Kemp Fotografie vervaardig is, is ook saam met die enkelsnit vrygestel.
- Hou Bene Hou is nou op alle digitale stroomdienste beskikbaar.
Kyk die musiekvideo hier: