Suid-Afrika se grootste arena-rockvertoning, Francois van Coke & Vriende, keer op Vrydag, 3 Oktober 2025 vir die sesde keer terug na die ikoniese SunBet Arena in Pretoria – en hierdie keer is die belofte duidelik: dis gaan die grootste een nóg wees.
“Sedert 2018 het julle elke jaar opgedaag om hierdie massiewe rock show ’n werklikheid te maak. Dit is iets spesiaal wat ons almal saam geskep het. Dankie vir dit! Is julle reg vir die beste aand van 2025?,” het Francois gesê.
Wat hierdie vertoning anders maak as enige ander rockkonsert, is dat Francois aktief saam met elke kunstenaar op die verhoog musiek geskryf en vrygestel het. Dis persoonlik. Dis eg. Dis ’n familie.
En soos Hunter Kennedy dit beskryf:
Dis soos om ’n mullet te hê – party in the front, party in the back!
Hierdie jaar se vriende kombineer nuwe verrassings met legendariese terugkomste:
- Booshle G – Die enigste kunstenaar waarmee Francois nóg nie saamgewerk het nie. Sy treffer “Take Me Home” het landwyd opslae gemaak, en dis net ’n kwessie van tyd voor hulle ook saamwerk.
- Ryno Velvet – Francois en Ryno se “Aande” is die grootste snit van “Die Ruimte”, en sal hierdie jaar lewendig opgevoer word.
- Zaan Sonnekus – Die Prins van Pretoria is terug met sy rou sielvolle rock.
- Van Pletzen – Francois en Van Pletzen se 6-minuut anthem “Kakmal” is terug. Peach noem dit “die naaste aan ‘Bohemian Rhapsody’ wat ons nog gemaak het.”\
- Spoegwolf – Die tradisionele “Dagdrome in Suburbia”-finale is weer deel van die aand. Magies.
- Karen Zoid – ’n Paar wat geskiedenis gemaak het, keer terug vir nóg ’n ikoniese oomblik.
- Jack Parow – “Dis soos ’n family reunion!” sê hy. En ons stem saam.
- Fokofpolisiekar – “Ons word geforseer om deel te wees… want Frannie is ons voorsanger!” sê hulle tong-in-die-kies.]
- Die Heuwels Fantasties – “All killer, no filler,” sê Pierre Greeff. “Miskien die lekkerste show waaraan ons al deelgeneem het.”
- Tasché – “Elke jaar dink ek dit kan nie beter word nie… en dan word dit wéér oortref!”
- Hunter Kennedy – Hy bring iets nuuts: ’n splinternuwe Engelse liedjie, net vir hierdie aand.
’n Splinternuwe geanimeerde musiekvideo vir “DSK” (Dominee se Kind) – een van Francois se gunsteling snitte op “Die Ruimte” – is nou op YouTube beskikbaar.
LEES OOK: Francois van Coke se reis deur misterie en oneindige moontlikhede op ‘Die Ruimte’
Dié video is geskep deur derdejaar-studente van die Stellenbosch Academy of Design & Photography, en die wenner, Illandré Viljoen, is deur Francois self gekies na ’n aanlyn stemproses.
“Ek was dadelik mal oor die storielyn, die kleure, die fight sequence… haar gevoel vir die musiek is fantasties,” sê Francois.
Kyk die video hier:
Elke element van Francois van Coke & Vriende is doelbewus, met passie en persoonlikheid geskep – nie net vir die aanhangers nie, maar sáám met hulle.
“As hierdie show só lekker is vir ons, dink net hoe lekker dit vir julle gaan wees.” – Francois van Coke
Vrydag, 3 Oktober 2025
SunBet Arena, Time Square, Pretoria
20:00
Kry jou kaartjies nou: https://bit.ly/FvCenVriende2025
Francois van Coke & Vriende 2025 word moontlik gemaak deur AMP Events, in vennootskap met Castle Lite, Chery, Jacaranda FM 94.2 en Lift.