Die onafhanklike platemaatskappy en opname-ateljee, Precision Music en Select Musiek (’n afdeling van Sony Music Entertainment Africa), het vandag ’n samewerking ooreenkoms aangekondig.
Precision Music het musiek vir onder andere Danny Smoke, Pieter Koen, Jo Black, Stiaan Reynierse en Dewald Wasserfall vervaardig en vrygestel.
“Die sinergie tussen die twee spelers in hierdie hoogs kompeterende bedryf laat ons toe om in te skakel by die wêreldklas stelsels en prosesse van Select Musiek en beloof om ons kunstenaars tot nuwe hoogtes te laat uitstyg,” het Eugene Pretorius, mede-eienaar van Precision Music, gesê.
Een van die liedjies wat uit hierdie samewerking ooreenkoms spruit is Danny Smoke se nuwe enkelsnit, Stadig, wat Vrydag, 10 Mei vrygestel is. Musiek van Jo Black en Pieter Koen word ook later vanjaar verwag.
LEES OOK: Danny Smoke stof sy kitaar af vir ’n nuwe enkelsnit
“Om saam met Precision Music en hulle kunstenaars te werk aan die volgende hoofstukke van hulle musiek-loopbane is ’n eer en van die begin af reeds ’n groot plesier. Ek is hoogs opgewonde oor dit wat voorlê,” het Ernst Kleinhans, algemene bestuurder by Select Musiek gesê.