FOTO: Verskaf
Wat gebeur wanneer van die land se gewildste Boeremusiek-orkeste, ’n skreeusnaakse vermaakster en ’n gehoor wat passievol is oor langarm-ritmes saam onder een dak bymekaar kom? Jy kry die grootste danspartytjie van die jaar, met paartjies wat die nag om dans… net soos in die goeie ou dae!
Dié buitengewone konsert voeg die musikale talente van Klipwerf, Die Ventertjies, Kosie Beukes en Fatman bymekaar om een van die grootste samekoms wat gehore al beleef het van stapel te stuur.
varsTRAP is die eerste van sy soort in Suid-Afrika en meer as net ’n gewone konsert. Dis ’n volwaardige danspartytjie met die Dorp Toe-sanger, Fatman (Johan Brümmer – The Voice SA, seisoen 2), wat nie net die gehoor met sy sin vir humor gaan vermaak, maar ook sy eie treffers gaan sing.
Jy kan ook die aand om dans saam jou geliefde op die voetstamp maat van die SAMA, Ghoema en SATMA-bekroonde Klipwerf Orkes, wat reeds vyftigjaar sinoniem is met braavleis en ’n lekker tyd.
As langarm, kuier en Boeremusiek jou ding is, is hierdie iets wat jy verseker nie mag misloop nie. Bring jou vriende en familie. Daar’s slegs ’n aantal kaartjies nog oor.
varsTRAP vind Saterdag, 23 November in Carnival City se Big Top-arena plaas. Kaartjies kos R150 per persoon en is beskikbaar by Computicket.