FOTO: Verskaf
Die Kontrak, VIA (DStv-kanaal 147) en Coleske Artists se gewilde werklikheidreeks, is onglangs vir ’n gesogte Suid-Afrikaanse rolprent- en televisieprys (SAFTA) in die kategorie, Beste musiekprogram benoem.
Dié reeks, waarin aspirant sangers week na week sake uitgespook het vir ’n Coleske Artists-platekontrak en ’n plek op die Afrikaans is Groot-verhoog, is saam met Red Pepper Pictures se Klavierkuiers met Pedro 2 en All Star Productions se The Rockets 50ste herdenking benoem.
Ander musiekprogramme wat ook benoem is, is die dokumentêre reeks Amira en Noot vir Noot 43. Amira is benoem in die kategorie Beste prestasie in redigering – Dokumentêr asook Beste prestasie in kinematografie – Dokumentêr terwyl Noot vir Noot benoem is in die kategorie Beste speletjiesprogram.
Die Kontrak is deur Red Pepper Pictures vervaardig en die wenner van die eerste seisoen is Demi Lee Moore van Durbanville. Ivan Roux, van Centurion, is as naaswenner aangekondig.
LEES OOK: Die Kontrak: En die wenner is…
Die glansaand word op Saterdag, 2 Maart aangebied.
Gesels gerus saam op Facebook, Twitter en Instagram met die hutsmerk #DieKontrak.