Die wenner van VIA (DStv-kanaal 147) se musiektalentkompetisie Die Kontrak is amptelik op Vrydag 23 November by die eerste Afrikaans is Groot-megakonsert van 2018 by die Sun Arena, Pretoria aangekondig. Dié episode word egter eers Woensdag 28 November om 20:00 op die Afrikaanse leefstylkanaal uitgesaai.
Die Durbanviller Demi Lee Moore (28) het uiteindelik ’n platekontrak van een miljoen rand by Coleske Artists losgeslaan.
Demi Lee Moore se mentor in die kompetisie was Monique Steyn.
Herleef die wenoomblik hier:
Die Kontrak-toptwee se musiekvideo’s het die afgelope week amptelik gedurende die uitsending van Die Kontrak gepremiere. Die musiekvideo’s vir Demi Lee Moore se Mis eet slaap herhaal en Ivan Roux se Daai ding kan nou eksklusief op die JOOX-app gestroom word. Die toptwee se albums is tans landwyd op die rakke van Musica-winkels beskikbaar.
Kyk Demi Lee se musiekvideo vir Mis eet slaap herhaal hier:
Nuwe episodes van Die Kontrak word elke Woensdag om 20:00 op VIA uitgesaai met heruitsendings op Vrydae om 19:00, Saterdae om 21:00 en Sondae om 18:00. Die JOOX-app is die amptelike stroomvennoot van Die Kontrak.