FOTO: @AfrIsGroot Twitter
Die sanger, Dirk van der Westhuizen, wat bekend is vir treffers soos Sexy Vi My, Spoel My Af en Gooi Jou Suiker Op My gaan vanjaar op Afrikaans is Groot sing.
Die nuus is op Vrydag, 12 Oktober tydens die ontbytprogram, Breakfast with Martin Bester, op Jacaranda FM verklap. In ’n video, wat op Afrikaans is Groot se sosiale media gedeel is, deel Martin Bester die goeie nuus met Dirk.
Kyk die video hier:
@Dirkvdw is in trane. Het jy die nuus op @jacarandafm gehoor? Hy is vanjaar, van 23 November tot 2 Desember, een van die kunstenaars op die verhoog by Afrikaans is Groot 2018. Baie geluk Dirk. 🎉 As jy nog nie kaartjies het nie, kry joune nou hier 👉 https://t.co/9CrHtdNmj9 pic.twitter.com/sQAydTJnew
— Afrikaans is Groot (@AfrIsGroot) October 12, 2018
Afrikaans is Groot word vanjaar op 23, 24, 25, 29 en 30 November asook 1 en 2 Desember in die Sun Arena van Time Square aangebied.
Steve Hofmeyr, Theuns Jordaan, Bobby van Jaarsveld, Juanita du Plessis, Riana Nel, Elvis Blue, Karlien van Jaarsveld, Corlea, Refentse Morake, Snotkop, Die Heuwels Fantasties, Dewald Wasserfall, Touch of Class en Jay du Plessis is terug en konsertgangers kan ook uitsien na Ricus Nel en Jo Black.
LEES OOK: Afrikaans is Groot 2018: D-dag is hier!
Diegene wat nog ’n kaartjie of twee wil opraap sal moet wikkel. Kaartjies is baie beperk. Klik hier om jou sitplekke te bespreek, of besoek enige van hul takke by jou plaaslike Checkers Hyper, House & Home of Shoprite en maak seker jy kry jou kaartjies daar.
Gesels saam op Facebook, Twitter en Instagram deur die hutsteken #AiG2018Pta te gebruik.