Afrikaans is Groot 2018: D-dag is hier!

Die gewilde Afrikaanse konsert, Afrikaans is Groot, is terug in Pretoria, en wie weet? Vanjaar vlieg Steve of Jay dalk weer, miskien ontplof selfs meer vuurwerke as verlede jaar.

Een ding is verseker: die vervaardigers is reeds doenig met beplanning om ’n konsert op die planke te bring wat verlede jaar s’n na ’n vulletjie sal laat lyk. Treffer na treffer – gewaarborg.

KLIK HIER VIR DIE VLOERPLAN

Al jou gunsteling kunstenaars is terug: Steve Hofmeyr, Theuns Jordaan, Bobby van Jaarsveld, Juanita du Plessis, Riana Nel, Elvis Blue, Karlien van Jaarsveld, Corlea, Refentse Morake, Snotkop, Die Heuwels Fantasties, Dewald Wasserfall, Touch of Class en Jay du Plessis.

’n Hoogtepunt is beslis die terugkeer van Ricus Nel na 2-jaar, en dan vir die heel eerste keer op die AiG-verhoog, die gewilde langbaard-sanger, Jo Black, wat gehore sal bekoor met sy gewilde treffers.

Hou vas aan daai stoele en maak daai bolla los – Afrikaans is Groot is terug en die poppe gaan dans.

Afrikaans is Groot word op 23, 24, 25, 29 en 30 November asook 1 en 2 Desember in die Sun Arena van Time Square aangebied.

Wikkel daai boude en moenie tyd mors nie. Klik hier om jou sitplekke te bespreek, of besoek enige van hul takke by jou plaaslike Checkers Hyper, House & Home of Shoprite en maak seker jy kry jou kaartjies daar.

Kyk hier na die lokprent:

Gesels saam op Facebook, Twitter en Instagram deur die hutsteken #AiG2018Pta te gebruik.