Hernu só jou AiG-kaartjies

Die lang wag is uiteindelik verby! Die organiseerders van Afrikaans is Groot voeg die daad by die woord, en soos beloof kan jy nóú jou kaartjies vir Afrikaans is Groot 2018 hernu sonder die lang rye en onnodige gewag.

Die beplanning vir vanjaar se konsert is reeds volstoom aan die gang en meer betowering as ooit wag op konsertgangers.

LEES OOK: Afrikaans was nog nooit so groot in Kaapstad

Tydens verlede jaar se konsert het die seremoniemeester, Minki van der Westhuizen, aangekondig dat kaartjiehouers van 2017 dié voorreg sal geniet om hul kaartjies, teen geen prysverhoging te hernu.

Indien kaartjies nie aanlyn gekoop is nie, maar wel by een van Ticketpro se onderskeie verkoopspunte (Edgars, CNA, Jet ens.), jou epos adres verander het of jy vermoed dat AiG nie jou e-posadres het nie moet jy spoedig kontak maak met die Afrikaans is Groot-span, deur ’n e-pos te stuur na info@afrikaansisgroot.co.za met die volgende inligting:

● Die volle name en van, van die peroon wat die kaartjie/s gekoop het.
● Hoe jy vermoed ons nie jou e-posadres adres het nie.
● Die ou e-posadres van die persoon wat die kaartjie/s gekoop het.
● Die nuwe e-posadres van die persoon wat die kaartjie/s gekoop het.
● Die dag en datum van die konsert wat jy bygewoon het asook jou sitpleknommer/s (of die hoeveelheid kaartjies wat jy gekoop het)
● Die nuwe e-posadres van die persoon wat die kaartjie/s gekoop het.

Computicket het hierdie inligting nodig om jou kaartjie/s se validasie te bevestig, asook om ’n kode te skep sodat die volgende stappe gevolg kan word.

Hoe werk dit?

● Hierdie kode is slegs geldig vir kaartjies in dieselfde pryskategorie as die vorige jaar.
● Jy kan kaartjies vir enige van die vertonings aanskaf vir 2018 solank dit in dieselfde pryskategorie val.
● Jy sal ook nie meer kaartjies kan koop nie, maar jou hernu-kode mag gedeel word. Bv. Jou kode is geldig vir 10 kaartjies. Jy kan 5 aanskaf en ’n familielid kan met jou kode, nog 5 koop. Sodra die kode gebruik is vir die toegekende bedrag, sal die stelsel die kode verwerp sodat dit vir geen toekomstige transaksies gebruik kan word nie.

So lyk die vloerplan vir vanjaar:

Indien jy van hierdie geleentheid gebruik maak, is dit baie belangrik om by die sperdatum te hou. Enige kaartjies wat nie bevestig en betaal is nie sal op 14 Maart 2018 om 12:00vm terug in die sisteem geplaas word.

Gesels saam op Facebook, Twitter en Instagram deur die hutsteken #AiG2018Pta te gebruik.