Inwoners van Polokwane kan eersdaags uitsien na optredes deur Steve Hofmeyr, Snotkop en Juba tydens die eerste Limpopo Toyota Familiefees wat op Vrydag, 23 September en Saterdag, 24 September net buite Polokwane op die Louis Trichardt pad plaasvind.
Benewens al die kunstenaars op die verhoog is daar ook verskeie aktiwiteite soos ’n 4×4, biertent, mallemeule, ’n optrede deur Ronnie die Renoster en vele meer.
Kaartjies vir dié fees beloop R50 vir die Vrydag en R100 vir die Saterdag. Kinders onder 1.2m kry gratis toegang. Steve Hofmeyr se vertoning beloop R500 per persoon en en sluit ’n ete en wyn in asook toegang vir beide dae.
Die Limpopo Toyota Familiefees word deur die Transand Boerevereniging aangebied om geld in te samel vir die gemeenskap se minderbevoorregte kinders. Vir meer inligting en om kaartjies te bespreek kontak gerus vir Monique Spruyt by 082 223 0426.