Die radio- en TV-persoonlikheid, Martin Bester het pas sy eerste Afrikaanse album, Vir Die Eerste Keer, vrygestell.
Klik hier om Martin se nuwe album op iTunes te kry.
Hy sê dis ’n droom wat waar geword het alhoewel dít nie sy eerste album is nie.
Martin is ook die hoofsanger van die SAMA-genomineerde alternatiewe rock-groep, Kinky Robot.
Hulle radio-treffers sluit onder andere in, Hobie Beach en Lover of Life.
Hulle het al regoor die land opgetree en selfs oorsee in die bekende Apollo Theatre in Londen.
Dié veelsydige sanger, wat ook een van die aanbieders by vanjaar se Afrikaans is Groot-konserte is, het onlangs besluit om die Afrikaanse musiekmark te betree en het reeds drie treffers.
“Ek is kinderlik opgewonde en verskriklik bly dat ek uiteindelik my album kan vrystel,” het Martin gesê.
Die album sal vir eers op digitale platforms soos, iTunes en Google Play beskikbaar wees, en die CD sal vroeg in die nuwe jaar die winkelrakke tref.
“Die album se naam is Vir Die Eerste Keer en dit is ’n deurlopende tema. Maak nie saak hoe oud jy is nie – daar is altyd ’n eerste keer vir alles”
Martin is ook weeksdae tussen 16:00 en 19:00 op die radiostasie, Jacaranda FM te hoor.