Die Afrikaans is Groot konsertreeks skop vanaand by die Moreleta Park in Pretoria af. Dis die vyfde keer wat dié konsert aangebied word. Hier is wat jy als móét weet oor die konsert.
Watter kunstenaars tree vanjaar op?
Juanita du Plessis, Steve Hofmeyr, Bobby van Jaarsveld, Karlien van Jaarsveld, Jay, Laurika Rauch, Bok van Blerk, Karen Zoid, Elvis Blue, Riana Nel, Lianie May, Dewald Wasserfall, Corlea, Jannie Moolman, Dozi en Amira.
Hoeveel konserte is daar?
Daar is 11 konserte. Vrydag, 11 November om 19:30. Saterdag, 12 November om 12:00 en 19:30. Donderdag, 17 November om 19:30. Vrydag, 18 November om 19:30. Saterdag, 19 November om 12:00 en 19:30. Donderdag, 24 November om 19:30. Vrydag, 25 November om 19:30. Saterdag, 26 November om 12:00 en 19:30.
Lees Ook: Afrikaans is Groot: Voorbereidings volstoom aan die gang
Is daar nog kaartjies oor?
Ja. Daar is nog ’n handjie vol kaartjies oor vir Donderdag, 17 November en Donderdag, 24 November. Klik hier om kaartjies te koop.
Watter aandenkings kan ek koop?
Die Afrikaans is Groot-span het vanjaar oulike AIG T-hemde. Hierdie T-hemde is in wit en swart beskikbaar. Dit sal jou egter R200 uit die sak jaag en daar is slegs ’n aantal van dié T-hemde beskikbaar. Ondersteuners kan dié T-hemde aanlyn bestel en optel voor die konsert. Klik hier om jou T-hemp aanlyn te bestel. Daar sal ook ander aandenkings sowel as CD’s en DVD’s beskikbaar wees by die konsert.
Is daar verversings beskikbaar?
Ja daar sal verversings beskikbaar wees. Om die lang toue te vermy kan jy aanlyn bestel en net jou kos optel. Let wel dat jy nie eetgoed in die ouditorium mag inbring nie. Slegs gebottelde water is toelaatbaar. Klik hier om jou verversings aanlyn te bestel.
Volg ook al die aksie op sosiale media op Facebook en Twitter.
Alle foto’s: Afrikaans is Groot Twitter