SAAMGESTEL DEUR REPUTASIE
Hierdie week het 11 snitte gestyg, 15 gedaal en ses onveranderd gebly. Daar is ook drie nuwe toetrdes en vyf snitte wat terugkeer.
Vir ’n tiende week is Riaan Benadé bankvas op nommer een met Spontaan. Dié liedjie het ’n totaal van 103 021 kykbeurte oor die afgelope week gekry – ’n styging van 5.6% teenoor die vorig week.
Op nommer twee het ons ’n nuwe inskrywing: die Boer Soek ’n Vrou-duo Richann en René wat as Reën optree se Vrystaat Vlaktes. Hierdie liedjie het ’n totaal van 101 149 kykbeurte opgeraap.
Vat ’n Bietjie van Riaan Benadé is op nommer drie en Fatman hou sy plek op nommer vier met Vuil Coke. Ek dink ek mis maar net jou hart van Juan Boucher skuif drie plekke op na nommer vyf – dieselfde posisie wat dit op 26 Februarie beklee het.
Bernice West se Sonop-Blom is op nommer ses en Kyk na my hart van Rooksein skuif af na nommer sewe.
Nog ’n nuwe inskrywing die week is Ray Dylan se By jou voete lê op nommer agt. Hierdie snit het 58 219 kykbeurte gekry vandeesweek.
Kom Binne van Bernice West skuif een plek op na nommer nege en die top-10 word met Biggy en Early B se Peanut Butter afgesluit. Hierdie snit het 51 923 kykbeurte geniet die afgelope week – ’n styging van 2.7% teenoor die vorige week.
Dis ook nuut:
- Dik en Dun van Brendan Peyper op nommer 12.
Hierdie is weer terug:
- Komma van Fokofpolisiekar op nommer 33.
- Sewe Oseane van Andriette op nommer 34.
- Vuur Op Die Water van Elandré op nommer 36.
- Oorleef van Dewald Wasserfall op nommer 37.
Die Afrikaanse Musieknuus Top-40 werk op ’n statistiese barometer wat die hoeveelheid YouTube kyke per week week. Die trefferlys se observasie periode is van Vrydag tot Donderdag elke week en dit is in lyn met internasionale standaarde.
Hierdie is ook die laaste week van die Afrikaanse Musieknuus Top-40 in sy huidige formaat. Die trefferlys verander vanaf volgende week na ’n top-20.
