Afrikaanse Musieknuus Top 40: Week 11

SAAMGESTEL DEUR REPUTASIE

In die week se top-40 het 11 snitte gestyg, 17 het gedaal en vyf het onveranderd gebly. Daar is ook drie nuwe toetredes en vier snitte wat terugkeer. 

Riaan Benadé se Spontaan is vir die negende keer op nommer een. Hierdie liedjie het vandeesweek 97 591 kykbeurte gekry – ’n daling van 28.2% teenoor die vorige week. Vat ’n Bietjie, ook van Riaan, is op nommer twee die week.

Bernice West met Sonop-Blom en Fatman met Vuil Coke behou hul plekke op onderskeidelik drie en vier. En Boerepompie van Ricus Nel en Snotkop vind plek op nommer vyf. 

Rooksein bereik hul hoogste posisie nog met Kyk na my hart op nommer ses. Op nommer sewe verwelkom ons Jo Black en Refentse se Rig jou oë na die berge

Juan Boucher se Ek dink ek mis maar net jou hart is op nommer agt en Nonna van Appel is op nommer nege. Die top-10 word deur Biggy en Early B se Peanut Butter voltooi.

Dis ook nuut:

  • Vergeet van Ché op nommer 22.
  • Plaasjapie van Robbie Wessels op nommer 37.

Hierdie liedjies is terug:

  • Keeza van Riaan Benadé op nommer 24.
  • Pens en Pootjies van Snotkop op nommer 25
  • In Die Bosveld van Juan Boucher en Neil Somers op nommer 34.

Die Afrikaanse Musieknuus Top 40 werk op ’n statistiese barometer wat die hoeveelheid YouTube kyke per week meet. Die trefferlys se observasie periode is van Vrydag tot Donderdag elke week en dit is in lyn met internasionale standaarde.

HET JY GEWEET?

  • 468 liedjies word gemonitor vir ’n posisie op die Top 40
  • Die totale kykbeurte van die 468 liedjies is meer as 363 miljoen. 
  • Verlede week het al hierdie liedjies saam 3 402 275 nuwe kyke bygekry, waarvan 1 796 598 behoort aan die Top 40 liedjies.