Afrikaanse Musieknuus Top 40: Week 10

SAAMGESTEL DEUR REPUTASIE 

Dié week het 20 snitte gestyg, 11 gedaal en vier onveranderd gebly. Twee snitte is terug en ons het drie splinternuwe toetredes.

Riaan Benadé se Spontaan boer vir ’n agtste week op nommer een. Dié liedjie het 135 955 kykbeurte die afgelope week gekry – ’n styging van 1.8% teenoor die vorige week. Biggy en Early B se Peanut Butter skuif twee plekke op van verlede week se nommer vier na nommer twee. 

Sonop-Blom van Bernice West is op nommer drie en Vuil Coke van Fatman skuif op na nommer vier. Riaan Benadé se Vat ’n Bietjie sak van nommer twee na nommer vyf. Ek dink ek mis maar net jou hart van Juan Boucher klim twee plekke op na nommer ses. 

Dit beteken dat Bernice West se Kom Binne na nommer sewe skuif, Ricus Nel en Snotkop se Boerepompie op nommer agt plek vind en O Kind van Bernice West sak na nommer nege. 

Die top-10 word dus afgesluit met Jan Jan Jan se Gooi Mielies

Hierdie is nuut op die top-40:

  • Verander van Spoegwolf op nommer 30.
  • Die Goeie ou Dae van Kurt Darren op nommer 32.
  • Binne & Buite van Elandré op nommer 37.

Hierdie is terug:

  • Stukkie Jive van Bevok (feat. Dirk van der Westhuizen).
  • Boer loop deur my are van Appel op nommer 39. 

Die Afrikaanse Musieknuus Top 40 werk op ’n statistiese barometer wat die hoeveelheid YouTube kyke per week meet. Die trefferlys se observasie periode is van Vrydag tot Donderdag elke week en dit is in lyn met internasionale standaarde.

VINNING FEITE:

  • 463 liedjies word gemonitor vir ’n posisie op die Top-40.
  • Die totale kykbeurte van die 463 liedjies is meer as 361 miljoen. 
  • Verlede week het al hierdie liedjies saam 4 113 110 nuwe kyke bygekry, waarvan 2 180 308 behoort aan die Top-40 liedjies.