FOTO: Verskaf
Weens die voortslepende gesondheidskrisis en die verbod op konserte, het dit die organiseerders van die Krone-konsert, wat in Augustus vanjaar sou plaasvind, genoop om die gewilde moewiese saamsinjol uit te stel.
Dié konsert sal nou op 6, 7 en 8 Augustus 2021 in Kaapstad en 14 en 15 Augustus 2021 in Pretoria aangebied word.
“Ons was só opgewonde om hierdie jaar se moewiese saamsinjol saam met julle te geniet, maar ons prioriteit is altyd die veiligheid van julle, die Krone-fans, asook almal wat op die verhoog en agter die skerms werk,” het Ernst Kleinhans, hoof van Select Musiek, gesê.
Kaartjiehouers hoef egter nie bekommerd te wees nie, want hul huidige kaartjie sal steeds geldig wees vir die Krone 7-konsert volgende jaar.
Indien jy nie dié opsie verkies, kan jy ook jou kaartjie/s se geld terug vra.
Om gebruik te maak van een van dié twee opsies, klik hier.