Kaartjieverkope vir Afrikaans is Groot 2020 vir eers op ys

FOTO: Verskaf

Weens die deurlopende beperkings op sosiale geleenthede en byeenkomstes tydens die onderskeie vlakke van die nasionale COVID-19-inperking, sal kaartjieverkope vir vanjaar se Afrikaans is Groot-konserte tot verdere kennisgewing uitgestel word. 

Soos in vorige persverklarings uiteengesit, sou kaartjieverkope Dinsdag, 28 April 2020, vir die konsertreeks gedurende November, in Pretoria, geopen het.

Die organiseerders en vervaardigers voel dat in die lig van die huidige COVID-19 risiko-aanpassings en strukture wat deur die regering ingestel is, die veiligheid van ondersteuners eerste prioriteit is. Dus sal alle kaartjieverkope vir enige van groot projekte van Coleske Artists vir eers uitgestel word tot duidelike riglyne ten opsigte van sosiale byeenkomste vanaf die regering ontvang is.

Intussen gaan die vermaak voort deur middel van die INbly-Konserte en stayIN-Concerts platforms wat spesiaal ter ondersteuning van ons kunstenaars geskep is.

LEES OOK: Opwindende inisiatief bied bystand aan musikante tydens inperking

Eerskomende Donderdag, 30 April om 19:00 kan Demi Lee Moore se heel eerste INbly-Konsert gestroom word (Kaartjies: https://bit.ly/DLM_INblyKonsert) waarna Ricus Nel op Saterdag, 2 Mei aan die beurt is (Kaartjies: https://bit.ly/INbly_RicusNel). Op Woensdag 6 Mei sal Ruhan du Toit se INbly-konsert gestroom word. Al die vorige AiG en Lexus Classics konserte sal ook om die beurt vrygestel word. Kaartjies is slegs by Computicket beskikbaar.

Kyk hier na ’n video van Ricus: