Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Bok Dag 2018: ’n Fees jonk van gees

FOTO: Verskaf

Op 30 Desember 2018 gaan Bok van Blerk en van sy uitgesoekte vriende op Plettenbergbaai byeenkom vir ’n eendag fees soos min.

Bok Dag 2018 is ’n fees wat saamgestel is vir feesgangers wat ‘jonk van gees’ is. Dis ’n kuier met ’n visie, missie en betekenis.

“Die fees is ’n geleentheid om weg te breek van die moeilike stereotipes en kettings van die verlede en saam te kom in ’n viering van alles wat ons diverse moederland so uniek maak,” vertel die organiseerders in ’n verklaring.

Daar’s wyd en suid gesoek na net die beste en lekkerste Afrikaanse kunstenaars. Bok van Blerk, wat die voortou by dié fees sal neem, word vergesel met twee van die land se mees opwindende musiekgroepe – Die Heuwels Fantasties en Spoegwolf. Die Kontrak se Ivan Roux sal ook op die verhoog te sien wees.

Die fees word met trots aangebied deur Lucky Fish en Bok van Blerk en geborg deur Netwerk24, Sarie, Weg!, Weg Ry & Sleep, Landbou Weekblad en Huisgenoot.

Kyk hier na die lokprent:

 
Kaartjies vir die fees is nóú aanlyn beskikbaar by Howler. Klik hier om joune aan te skaf.