Ampie is deel van die gholfdag. FOTO: Verskaf
Op Vrydag, 16 November gaan kunstenaars soos Arno Jordaan, Roan Ash, Wicus van der Merwe en Pieter Smith by die Pebble Rock gholfklub in Pretoria byeenkom vir die jaarlikse One2b-liefdadigheids gholfdag in samewerking met Caring Daisies.
Ampie du Preez, wat onlangs ook sy nuwe enkelsnit Sit Die Radio Aan vrygestel het, is ook betrokke by dié dag. Dié tong-in-die-kies vakansie-liedjie gaan oor iemand wat in hul bakkie klim en die langpad aandurf om hulself te herlaai. “As jy voel jy het ’n breuk nodig, doen dit en vergeet van almal en alles. Dis waaroor die liedjie gaan,” gesels die sanger.
LEES OOK: ‘Sit die radio aan’ vir Ampie se somertreffer!
One2b caring is gestig om hoop aan sukkelende gemeenskappe te bied – van raad aan individue om hul droom te bewaarheid tot die samewerking met groepe en organisasies om by te dra tot ’n groter visie.
Ampie sê dat hy jaarliks liefdadigheidswerk doen wat in sy hart reg voel. “Van die ouens by dié gholfdag ken ek, en ek ondersteun eerder mense wat ek ken, as die wat ek nie ken nie. Ek weet dan die geld gaan vir die regte doel,” vertel hy. Hy moedig ook ander kunstenaar wat gholf kan speel aan om deel te word van die dag. “As jy voel dit is iets wat met jou praat, raak betrokke.”
WEN MET ONE2B EN THE MARKETING ZOO
Twee gelukkige lesers staan die kans om ’n heerlike One2b-geskenkpak met die komplimente van One2b en The Marketing Zoo los te slaan. Só lyk die geskenkpakke:
Wenners ontvang elk ’n One2b-verkoelersakkie, ’n One2b-waterbottel, een bottel water, ’n One2b-keps, Ampie se nuwe album Bosveld Blues en One2b se fab gewigsverlies kapsules ter waarde van R785.00.
Jy kan een van twee One2b-geskenkpakke wen!
Inskrywingsmetode:
Beantwoord ’n eenvoudige vraag en staan die kans om een van twee One2b-geskenkpakke te wen.
Inskrywingstydperk:
Inskrywings open Vrydag, 9 November om 10:00 en sluit Vrydag, 16 November om 10:00.
Prys:
Een van twee One2b-geskenkpakke.
Wie kwalifiseer om deel te neem:
Enige Suid-Afrikaanse burger kan deelneem, maar deelnemers jonger as 18 moet toestemming van hul ouers of voogde verkry.
Ander reëls:
– Die wenners sal telefonies in kennis gestel word en daarna op Afrikaanse Musiek Nuus se webblad aangekondig word.
– Die kompetisie voldoen aan die vereistes van die Verbruikersbeskermingswet.