Die Vrystaat Kunstefees, wat vanjaar vanaf 16 tot 22 Julie in Bloemfontein aangebied word, beloof weer musiek vir elke oor. Die program sluit onder meer kunstenaar soos Laurika Rauch, Elvis Blue, en selfs Die Radio Kalahari Orkes in.
Laurika Rauch en Loki Rothman: Blou
19 Julie | 20:30 | R140
Sand du Plessis Teater
Klik hier vir kaartjies
Laurika en Loki se samewerking op die verhoog, het met die herskepping van Laurika se ikoniese treffer, Blou – as ’n duet vir haar nuutste album – Die Reis, begin. Die opname en video van die liedjie, doen tans buitengewoon goed op die video treffersparades sowel as op baie radiokanale. Loki Rothman is reeds bekend en geliefd – nie net as begeleier nie, maar ook as solokunstenaar in eie reg. Sy virtuose perkussiewe kitaartegniek is verstommend om te beleef en sy aanslag en stem, gekombineer met Laurika se stem en unieke vertolkingsvermoe, maak hierdie vertoning ’n buitengewone musiekervaring.
Elvis Blue: Kaal
18 Julie | 20:00 | R130
19 Julie | 17:00 | R130
Kopanong Ouditorium
Klik hier vir kaartjies
Elvis Blue soos jy hom nog nooit gesien het nie. In hierdie roerende vertoning, begelei deur gesogte musikante, sal jy ou en nuwe liedere uit Elvis se pen hoor. Rou, eerlike musiek, briljant vertolk. Komies, aangrypend en hartroerend – kom ervaar Elvis Blue, Kaal.
Die Radio Kalahari Orkes
21 Julie | 17:00 | R120
22 Julie | 18:30 en 21:00 | R120
Aasvoëlklub
Klik hier vir kaartjies
Die Radio Kalahari Orkes het ’n splinternuwe album getitel Mamba. Die Radio Kalahari Orkes is ’n roots-musiekgroep en opwekkingspredikers wat delf in die verlede vir inspirasie. Hulle maak musiek wat begin in jou voete en deur jou hart reis tot in jou kop. Elke album is ’n testament van waar die skrywers hul bevind ten tye van die opname, met die doel om musiek te maak wat weerspieel waar hulle op die oomblik in tyd is, deur middel van liedjies wat op die oog af uit ’n ander era dateer.
Kahn en Karen Zoid
18 Julie | 20:30 | R250
Sand du Plessis Teater
Klik hier vir kaartjies
Kahn en Karen Zoid het oorweldigende lof ontvang met die bekendstelling van hul treffer We Could Be Divine. Hul vertoning, ondersteun deur M-Net, beloof om een van die musikale hoogtepunte van die jaar te wees. Die twee musiekikone saam op die verhoog beloof ’n onvergeetlike ervaring wat gehore sal gaande hê.
Jak de Priester: 15 Jaar met klavier en kitaar
19 Julie | 20:30 | R125
20 Julie | 13:00 | R125
Kopanong Ouditorium
Klik hier om kaartjies te koop
In 2017 is dit 15 jaar sedert Jak de Priester sy debuut met Sally Williams Nougat gemaak het. Sedertdien het hy agt albums, ’n kinderalbum en -DVD en twee boeke vrygestel, verskeie temawysies vir televisie geskryf en gesing en die gewilde TV-reeks Reis na Gister aangebied. Hierdie produksie is ’n viering van sy lang loopbaan met musiek van sy nuwe album, 15.
Koos Kombuis
21 Julie | 20:30 | R120
Aasvoëlklub
Klik hier om kaartjies te koop
Koos Kombuis bring sy nuutste CD, Langpad na Lekkersing, na die Vrystaat Kunstefees. Kom luister en kuier saam met Koos in die Aasvoëlklub.
Chris Chameleon: Bokkie Bybie Liefie
20 Julie | 20:30 | R125
21 Julie | 13:00 | R125
Kopanong Ouditorium
Klik hier om kaartjies te koop
Afrikaanse liefde is soos geen ander liefde. ADBBL gaan die liefde in Afrikaans blootle met ’n kombinasie van musiek, liriek, digkuns en staaltjies oor daardie een ding wat nie net Afrikaanse mense nie, maar ook elke ander mens in hierdie wereld saamsnoer – die liefde. 70% van die musiek is nuwe werke en nuwe verwerkings. Chris Chameleon en Schalk Joubert span saam om stof tot nadenke te bied, prikkels vir die maagspiere te verskaf en doepa vir die hart toe te dien. Dis ’n goedvoel produksie.
Bly op hoogte van die jongste Vrystaat Kunstefees-nuus hier.