Georic Lomas se debuutalbum op pad

Dit was die jaar 2013, en tussen al die bekendes in die rolverdeling van die gewilde musiekfilm, As Jy Sing, het ’n nuweling die oog en die oor gevang. Amper 4 jaar later en Georic Lomas het nie net ’n getroue groep bewonderaars opgebou nie, maar na die uitreiking van sy eerste treffer, Bazaruto, hier teen die einde van verlede jaar, kom die opwindende nuus dat sy debuutalbum binnekort op die rakke sal wees.

17264510_641438552731020_1422738808619470812_n

Maar voor die CD die winkels gaan tref teen Junie, sal ’n paar liedjies vanaf die album, getiteld Silhoeët, reeds vanaf 17 Maart beskikbaar wees op iTunes en Apple Music. Silhoeët sal 14 liedjies in totaal bevat met Johan Vorster, Christoph Kotzé en Georic homself wat pen op papier neergesit het.

Die eerste liedjie wat nou aan radiostasies gestuur sal word heet Die Leeu, en is ’n lekker vinnige dansnommertjie wat gewild sal wees onder almal wat jonk en jonk van gees is. Daar word ook reeds beplan aan die musiekvideo vir die liedjie. En as die sukses van Bazaruto enigsens ’n aanduiding was van wat om te verwag – dit was op meer as 10 radiostasies gespeel, en het die nommer 1 posisie op Maroela Media se Top 20 behaal – dan gaan Die Leeu se brul oral gehoor kan word.

Luister gerus na Die Leeu hier:

Georic se musiek is jonk, vars en iets nuuts vir die Afrikaanse musiek mark. Die album spog met klomp verskillende genres wat beteken mense van alle ouderdomme sal die musiek kan geniet!

Met ’n hele bemarkingsveldtog wat gaan uitrol, en lewendige optredes oor die komende maande, sal almal na dese weet wie Georic Lomas is. Boonop sal hy ook sy verskyning maak met ’n hele paar optredes wat bespreek is tussen Maart en Julie 2017.

Kyk die video hier:

Vir meer inligting oor Georic, volg hom op Instagram en Twitter en like sy Facebook-blad.