Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Nóg ’n wonderwerk vir Leah

Ná al die hoogtepunte van 2016, kan Leah sommer vroeg in 2017 nog een op die kerfstok plaas. Na ’n Ghoema, drie Huisgenoot Tempo-toekennings en die heruitreiking van haar Wonderwerk CD in Deluxe formaat, kom die nuus dat verkope van die einste album die 15 000 kerf verbygesteek het. Dis reg, goue status vir Leah se Wonderwerk Deluxe-album!

Leah - Goud 2
Bo-en-behalwe die treffers wat reeds op radio gehoor kan word, en wat aan Leah al die toekennings besorg het, bevat die Deluxe-album treffers soos Volmaan, en ’n nuwe weergawe van Meer As Niks.

En met ’n nuwe weergawe van Met Jou Klere Aan, beantwoord Leah ook daardie tergende vraag wat bewonderaars nou al ’n rukkie aan die raai het: “Wat is die lekkerste ding om te doen met jou klere aan?” Vir die antwoord, sal jy maar die Wonderwerk Deluxe-album moet aanskaf.

Een van die vier nuwe liedjies op die album, C’est La Vie, is ook die volgende liedjie wat aan radiostasies gestuur sal word en behoort weer die trefferslyste uit te klim.

Kry Wonderwerk Deluxe hier.

Leah - Wonderwerk Deluxe uitgawe

’n Opkomende toer na Namibië wat verskeie optredes in verskeie stede insluit, is ook in die pyplyn.

Kyk die musiekvideo van Jou Liefde hier:

 
Vir meer inligting oor waar jy Leah kan sien optree of die datum van vrystellling vir die Wonderwerk Deluxe-album, volg Leah op Twitter, Instagram en like haar Facebook-blad.