Judas Iskariot – Die Passiespel, deur die vervaardigers van, Pilatus – ’n kruis in die pad, gaan vanaf 1 April in die Sand du Plessis Teater op die planke wees.
Die teks is deur Gertjan Holtzhausen geskryf, en Jacobus Silwer het splinternuwe musiek en lirieke vir hierdie musiekblyspel gekomponeer. Die temalied, Wegkruipplek, wat ook op Jacobus se gospelalbum gaan verskyn, word eersdaags bekend gestel. Die regie word deur Dr. Niel van Niekerk en Michelle Hetzel behartig, terwyl Jaco Bezuidenhout die musiekregisseur is.
’n Jeug orkes van 50 instrumente, dirigeer deur Heinrich Lategan, sal Judas Iskariot begelei. Dis heeltemal uniek, en word beskou as een van die grootste Afrikaanse gemeenskapsteater projek in Suid-Afrika.
Sowat 70 akteurs, sangers, dansers en ekstras gaan almal op één verhoog te sien wees. Die hoofrolle word deur professionele akteurs vertolk, en die kleiner rolle word deur mense uit die gemeenskap gevul.
Judas Iskariot – Die Passiespel word aangebied in samwerking met PACOFS, ATKV en Radio Rosestad.
