Die eerste episode van Bobby en Karlien van Jaarsveld se realiteitsreeks het Woensdag, 11 Januarie op VIA (DStv-kanaal 147) afgeskop!
In dié episode het Bobby en Karlien se ouma hul uitgedaag om vir 48 uur in die Abraham Kriel Kinderhuis te gaan bly. Kykers was maar skepties vóór die program, maar het gou ’n ander deuntjie gesing na die hartroerende episode.
Chris-Marié Groenewald sê: “Fantastiese realiteitsprogram. Taamlike trane gestort, verwerping, ek ken dit, sensitiewe saak, ja, die program het aan my gevat.”
“Ek was aanvanklik skepties aangesien ek geen fan van Karlien is nie. Dit was egter ’n uitstekende eerste program met ’n diepte wat in ander realiteitsreekse ontbreek. Die vervaardigers het ’n baie goeie konsep hier beet. Ek sien daarna uit om die volgende episode te kyk,” het Leona Stander van haar laat hoor.
Cherene Blom sê weer: “My hele sienning het vanaand verander teenoor Bobby en Karlien, was die moeite werd om dit te kyk. Dit laat mens net weereens besef hoe ondankbaar ’n mens kan wees oor klein dinge. Voel so jammer vir daardie kinders en die beste van alles is, hul het nie vir so tipe lewe gevra nie. Ek sien uit na volgende week se show! Well done Bobby en Karlien!”
Jy kan ook ’n verskil maak in só kind se lewe met Huisgenoot en Candystick, ’n skarefinansierings platform om die Abraham Kriel Kinderhuis te help.
Klik hier om jou bydrae te maak.
Kyk die video hier:
In die volgende episode moet Bobby vir 48 uur blind wees en spandeer tyd saam met die sanger Vernon Barnard wie hy tydens The Voice South Africa afgerig het.
Bobby en Karlien: In Jou Skoene word Woesdae om 20:30 op VIA (DStv-kanaal 147) uitgesaai.